Awalnye dari pengalaman gue disekolahin ke Luar Negeri. Biase deh awal perkenalan ama temen-temen laki-laki, pasti ngomongin cewe-cewe di kelas.
Ade temen gue nyang donyuan, temen-temen nyang laen manggil si playboy, tapi karena gue dari Jakarte, makanye gue panggil die buaye alias crocodile. Eh die tanya ama gue, maksudnye gue manggil die buaye. Gue bilang ama die, kalau di Jakarte, kita nyebut playboy itu buaye.
Die kebetulan antropolog, eh die malah ceritain ama gue, kalau buaye itu binatang paling setie, kalau salah atu dari pasangannye mati, nyang atunya lagi ogah cari pasangan laen, malah coba untuk bunuh diri.
Nahlo gue jadi bingung nih, die juge kasih gue beberape literatur tentang buaye. Bingungnye gue karene kenape malah kebolak balik nih. Pasti ade nyang kagak beres nih. Nanti gue ceritain di episode kedue ye.
Dimari gue cumang mo jelasin, kalo buaye adalah hewan yang paling setie, jadi pastinye Istri kite bangge kalo kite suami nyang setie.
Foto Ilustrasi : Istimewa
